الأحد، 31 أكتوبر 2010

بريوش لورين....حاجه كده قشطه بالهبل ....

....بريوش لورين ده أول ما شوفته ..وقعت فيه  ..حاجه كده قشطه بالهبل...ده مش وصف..ده مقادير ...البريوش المعلم ده بيتعجن بالقشطه خالص مخلص...الوصفه مش وصفتي وصفه سموحه "أم نور"  ربنا يجازيها كل خير يارب ....طبعا ده مش أول تطبيق ليا للبريوش...بس من حبي فيه قلت يبقي صورته الغاليه هي صوره الأفتتاح ...ناكل..ونقص الشريط....؛-)














المقادير بقي...
-2وربع كوب دقيق
-50جم سكر
-بيضه
-معلقه ص خميره فوريه
-150جم قشطه
-معلقه ص ملح
-100جم زبده للفرد"أنا أستخدمت جوالي 70 بس ..وسموحه صاحبه الوصفه أستخدمت 50بس "وال100 جم فعلا كتير عليها

الطريقه...
-كل المقادير مع بعض ما عدا الزبده ..تتخلط وتتعجن وتتلف فبلاستك وتدخل التلاجه لتاني يوم...
-تاني يوم تتفرد العجينه وتتحط الزبده ويتقفل عليها وتتطبق وتتفرد 3 مرات زي الميل فاي والكرواسون
-أحشيها تمر وقرفه وأي مكسرات محمصه..

-أدهني الوش بيض+لبن سيبيها تخمر شويه وع الفرن ...

طعمها أكتر من رائع وتستحق التجربه..الشكر موصول لسموحه صاحبه الوصفه جزاها الله كل خير...









ليست هناك تعليقات:

إرسال تعليق